नुवाकोटमा स्कुटर र्दुघटना हुँदा एक जनाको मृत्यु

नुवाकोट । नुवाकोटको विदुर नगरपालिका वडा नम्बर २ भुटोल बजारमा स्कुटर र्दुघटना हुँदा एक जनाको मृत्यु भएको छ ।

मृत्यु हुनेमा लिखु गाउँपालिका वडा नम्बर १ खानीगाउँका ३५ वर्षिय ईन्द्रबहादुर थापा रहेको जिल्ला प्रहरी कार्यालय नुवाकोटका डिएसपी विक्रम लामाले जानकारी दिए ।

शनिवार राती साढे ११ बजे भैरबी मन्दिरबाट खानिगाँउतर्फ आफ्नै घर फर्किने क्रममा उनको प्र.३ ०२ ००७ प ९७३३ नम्बरको स्कुटर आफै अनियन्त्रित भई बाटोबाट करिव ३ मिटर तल बाटोमा खसेको प्रहरीले जनाएको छ ।

र्दुघटनामा परेर गम्भीर घाइते भएका उनको उपचारको क्रममा आज विहान २ बजे मृत्यु भएको प्रहरीले जनाएको छ ।

घटनाको विषयमा थप अनुसन्धान भइरहेको जिल्ला प्रहरी कार्यालय नुवाकोटले जनाएको छ ।