ओलीको रिहा माग्दै नुवाकाेटमा प्रदर्शन

नुवाकाेट । पूर्वप्रधानमन्त्री केपी शर्मा ओलीलाई रिहा गर्न माग गर्दै नुवाकाेटकाे विदुरमा पनि प्रदर्शन गरिएको छ ।

नेकपा एमालेको केन्द्रीय सर्कुलर अनुसार जिल्लामा क्रियाशील २३ वटै जनसंगठनको संयुक्त आयोजनामा विदुरमा शनिबार दिउँसो प्रदर्शन गरिएको हो ।

एमाले पार्टी कार्यालयदेखि लाेकतािन्त्रक चाेकसम्म पुगरे एमालेका नेता तथा कार्यकताहरूले हातमा विभिन्न नारा लेखिएका प्लेकार्ड र सरकारविरुद्ध नाराबाजी गर्दै प्रदर्शन गरेका छन् ।

उनीहरूले ओली र रमेश लेखकलाई तत्काल रिहा गर्न माग समेत गरेका छन् ।

प्रदर्शनपछि विदुरकाे लाेकतान्त्रिक चाैताराे अगाडिको सडकमा आयोजित कोण सभालाई सम्बाेधन गर्दै नेकपा एमाले नुवाकाेट क्षेत्र नम्बर १ का संयाेजक शुशिल खड्का लागतयले सम्बोधन गरेका थिए ।

उनीहरूले ओली र लेखकमाथि बालेन शाह नेतृत्वको सरकारले प्रतिशोध साधेको भन्दै तत्काल रिहा गर्न माग गरे भने रिहा नभएमा थप आन्दोलनका कार्यक्रम अघि बढाउने चेतावनी दिएका छन् ।