नुवाकोट-१ मा रास्वपाका तिमिल्सिना निर्वाचित

नुवाकोट । नुवाकोट १ मा पनि राष्ट्रिय स्वतन्त्र पार्टीका उम्मेदवार निर्वाचित भएका छन् ।

मतगणनामा रास्वपाका विक्रम तिमिल्सिना २२ हजार ६०९ मत ल्याएर निर्वाचित भएका हुन् ।

उनका निकटतम प्रतिद्वन्द्वी नेपाली कांग्रेसका डा प्रकाशशरण महतले १८ हजार ५९७ मत ल्याए ।

नेपाली कम्युनिस्ट पार्टीका हितबहादुर तामाङले १३ हजार ३७७, एमालेका बद्री मैनाली ८ हजार ९३२ मत ल्याए । उज्यालो नेपाल पार्टीका अमित तामाङले २ हजार ६३ मत पाए ।

राप्रपाका विमल थापाले ७५६ मत ल्याए ।