नुवाकोटमा कांग्रेस सभापति गगनलाई १० किलोको माला

नुवाकोट । नुवाकाेटमा नेपाली कांग्रेसका सभापति गगन थापालाइ १० किलाेकाे माला लगाइएको छ ।

नुवाकोटको बट्टारमा आयोजित नेपाली कांग्रेस नुवाकोटको क्षेत्र नम्बर २ को आयोजनमा भएको चुनावी कार्यक्रममा आइपुगेका थापालाई जिल्लाका विभिन्न नेताहरुले सामुहिक रुपमा १० किलोको माला लगाइदिएका हुन् ।

चुनावी सभालाई सम्बोधन गर्दै थापाले पार्टीभित्र पारदर्शिता र उत्तरदायित्वलाई प्राथमिकता दिने प्रतिबद्धता दोहो-याए । “अब काङ्ग्रेसका हरेक गतिविधिको महिना महिनामा लेखाजोखा गरिनेछ,” उनले घोषणा गरे । पार्टी सञ्चालनलाई अझ व्यवस्थित र परिणाममुखी बनाउने दिशामा कदम चालिने उनले बताए।

फरक प्रसङ्गमा उनले विकास निर्माणका काममा देखिएको ढिलासुस्ती र गुणस्तरहीन प्रवृत्तिलाई अन्त्य गर्न कानुनी सुधार आवश्यक रहेको धारणा राखे । “सडक निर्माण सस्तोमा सक्ने प्रतिस्पर्धाभन्दा छिटो र गुणस्तरीय रूपमा सम्पन्न गर्ने कम्पनीलाई जिम्मा दिन मिल्ने कानुन बनाउनुपर्छ,” उनले भने।