रास्वपा सभापति लामिछाने नुवाकोट आउँदै

नुवाकोट । राष्ट्रिय स्वतन्त्र पार्टी (रास्वपा) का सभापति रवि लामिछाने आज नुवाकोट आउने भएका छन् ।

नुवाकोटको विदुर ४ बट्टार हावाघर र लिखुको छहरेमा आयोजित चुनावी सभालाई सम्बोधन गर्न उनी नुवाकोट आउन लागेका हुन् । बट्टारमा चुनावी सभा दिउँसो साढे तीन बजे हुने बताइएको छ भने छहरेमा साढे ४ बजे पछि हुने रास्वपा नुवाकोटका सभापति रामेश्व्र गजुरेलले जानकारी दिए ।

लामिछाने नुवाकोट आउने भएपछि रास्वपा नुवाकोटमा रहेका नेता तथा कार्यकर्ताहरुमा उत्साह छाएको छ ।

यसअघि रास्वपाकै वरिष्ट नेता वालेन शाह नुवाकोट आएपनि सम्बोधन भने गरेका थिएनन् ।