नुवाकोटको थानसिङमा सुमो र्दुघटना, छ जना घाइते

नुवाकोट । नुवाकोटको लिखु गाउँपालिका वडा नम्बर ६ को वडा कार्यालय अगाडि (थानसिङ फाँटमा) सुमो दुर्घटना भएको छ ।

दुप्चेश्वर गाउँपालिकाको राउतवेसीबाट काठमाडौं जाँदै गरेको ना.१.ज ६६६५ नम्बरको सुमो दुर्घटनामा परेको छ ।

सुमो आफै अनियन्त्रित भई सडकबाट अन्दाजी २ मिटर तल खसेको थियो ।

दुर्घटनामा ६ जना घाइते भएका छन्। घाइते हुनेहरूमा सुमो चालक नुवाकोट दुप्चेश्वर गाउँपालिका १ बस्ने प्रितम तामाङ, ललितपुरकाे इमाडोल बस्ने गोरी माया सुनार रहेका छन् । अन्य चार जनाकाे भने पहिचान खुल्न बाँकी रहेकाे जिल्ला प्रहरी कार्यालय नुवाकाेटले जनाएकाे छ ।

सुमाे चालक तामाङकाे दाँया करङमा चोट लागेकाे छ भने सुनारकाे टाउको र निधारमा चोट लागेकाे छ । उनकाे अबस्था गम्भिर रहेकाे प्रहरीले जनाएकाे छ ।

दुर्घटनामा परि एक महिला अचेत अवस्थामा भेटिएकाे छ । उनकाे अवस्था गम्भीर रहेकाे जिल्ला प्रहरी कार्यालय नुवाकाेटका डिएसपी विक्रम लामाले जानकारी दिए ।

घटनाकाे विषयामा थप अनुसन्धान भइरहेकाे जिल्ला प्रहरी कार्यालय नुवाकाेटले जनाएकाे छ ।