स्वर्गीय देविप्रसाद घिमिरेको नाममा चन्द्रज्योति माविमा एकलाखको अक्षयकोष स्थापना

नुवाकोट । नुवाकोटको विदुर नगरपालिका वडा नमबर ५ तल्लो पिपलटारमा रहेको चन्द्रज्योती माध्यामिक विद्यालयमा समाजसेवी तथा पुर्व विद्यार्थी रामहरि घिमिरेले आफ्ना हजुरवुवाको संझनामा एक लाख १ हजार एक सय ११ रुपैयाँको अक्षयकोष स्थापना गरेका छन् ।

विद्यालयको ६५ औ वार्षिक उत्सवको अवसर पारेर घिमिरेले आफ्ना स्वर्गिय हजुरबुवा देविप्रसाद घिमिरेको सम्झनामा एक लाख एक हजार एक सय एघार रुपैयाँको अक्षय कोष स्थापना गरेका हुन् ।

अक्षयकोषको उत्त रकम बरावरको चेक घिमिरेले विदुर नगरपालिकाका नगरप्रमुख राजन श्रेष्ठ, उपप्रमुख प्रभा बोगटी, विदुर ५ का वडाध्यक्ष लिलानाथ न्यौपाने लगायतको रोहवरमा विद्यालयलाई हस्तान्तरण गरेका छन् ।

चेक हस्तान्तरण गर्दै घिमिरेले आगामी दिनमा पनि विद्यालयलाई आवश्यक सहयोग गर्ने प्रतिवद्धता व्यत्त गरे । उनले विद्यालयको शैक्षिक विकासक लागि अक्षयकोषले विशेष भुमिका खेल्ने बताए ।

विद्यालयमा अक्षयकोष स्थापना गरेका घिमिरेलाई विद्यालयले सम्मान समेत गरेको छ । बिदुर नगरपालिकाका प्रमुख श्रेष्ठ, उपप्रमुख वोगटी, विदुर ५ का वडाध्यक्ष न्यौपाने तथा विद्यालय परिवारले घिमिरेलाई दोसल्ला ओढाउनुको साथै सम्मान पत्रद्धारा सम्मान गरेको हो ।

अक्षयकोष स्थापनाको लागि विद्यालयलाई हस्तान्तरण गरिएको चेक ।