मेयर कपको उपाधिको लागि विदुर ६ र ९ भिड्दै

नुवाकोट । विदुर ६ महारानीडिहीमा भइरहेको प्रथम वडास्तरीय मेयर कप फुटवल प्रतियोगिताको उपाधिको लागि वडा नम्बर ६ र वडा नम्बर ९ भिड्ने भएका छन् ।

शुक्रवार भएको सेमिफाईनलमा दुबै टोली आफ्ना प्रतिष्पर्धीलाई हराउँदै फाइनल प्रवेश गरेका हुन् । विदुर ६ ले वडा नम्बर १२ लाई पराजित गर्दै उपाधि नजिक पुगेको हो भने वडा नम्बर ९ ले वडा नम्बर ५ लाई पराजित गर्दै फाइनल प्रवेश गरेको हो ।

न्यु ईनारपाटी युवा क्लबको आयोजना तथा विदुर नगरपालिकाको संरक्षकत्वमा भएको प्रतियोगिताको विजेताले एकलाख र उपविजेताले ५० हजार रुपैयाँसहित मेडल, ट्रफी र प्रमाणपत्र प्राप्त गर्ने प्रतियोगिताका संयोजक जीवन कुमालले जानकारी दिए ।

प्रतियोगितामा उत्कृष्ट गोलरक्षक, उच्च गोलकर्ता, उत्कृष्ट खेलाडी , उत्कृष्ट डिफेन्स र राइजिङ प्लयर्सलाई नगद पुरस्कार,ट्रफी र प्रमाणपत्र पाउने न्यु ईनारपार्टी युवा क्लबका अध्यक्ष धिरज सापकोटाले बताए ।

प्रतियोगितामा विदुर नगरपालिकाभित्र रहेका ११ वडाको सहभागिता रहेको छ ।

प्रतियोगितामा जिल्ला फुटवल संघ नुवाकोट, चालिसे सप्लायर्स, अन्नपुर्ण निर्माण सेवा, नुवाकोट मिट मार्ट, चण्डीपोखरी च्याउ फर्म, अर्याल पोल्ट्री सप्लायर्स र ईनारपाटी क्याटरिङ सर्भिस सहयोगी संस्थाको रुपमा रहेका छन् ।