नुवाकोट महोत्सव आजदेखि शुरु हुँदै

नुवाकोट । नुवाकोट महोत्सवको नवौं संस्करण आजबाट सुरु हुँदैछ ।

नुवाकोट उद्योग बाणिज्य संघको आयोजनामा हुने महोत्सवको सम्पूर्ण तयारी पूरा भएको अध्यक्ष राजेन्द्र श्रेष्ठले जानकारी दिए ।

महोत्सवको नेपाल उद्योग बाणिज्य महासंघका अध्यक्ष चन्द्रप्रसाद ढकालले उद्घाटन गर्ने कार्यक्रम रहेको छ ।

महोत्सवमा स्थानीय कला, संस्कृतिको प्रवद्धन गरिने बताइएको छ । माघ ७ गतेदेखि १७ गतेसम्म विदुरमा हुने महोत्सवमा २ सय भन्दा बढि स्टल रहने छन् । महोत्सवमा राष्ट्यि तथा स्थानीय कलाकारहरुले प्रस्तुती दिने बताइउको छ ।

महोत्सवमा जिल्लाका १२ वटै पालिकामा उत्पादित स्थानीय वस्तु तथा, सांस्कृतिक वेषभुषाको प्रवद्धन गरिने पनि बताइएको छ ।