रास्वपाबाट नुवाकोट १ मा तिमिल्सिना उम्मेदवार

नुवाकोट । राष्ट्रिय स्वतन्त्र पार्टीले नुवाकोट क्षेत्र नम्बर १ मा डा. विक्रम तिमल्सिनालाई उम्मेदवार बनाउने निर्णय गरेको छ ।

नुवाकोटको लिखु स्थायी घर भएका तिमिल्सिनाले राजनीति, भूराजनीति तथा परराष्ट्र मामलामा कलम चलाउँदै आइरहेका छन् । उनले नेपालकाे शान्ति प्रक्रियामा शक्तिराष्ट्रको भूमिका बिषयमा अष्ट्रेलियाको ग्रिफिथबाट विद्यावारिधि गरेका थिए । तिमिल्सिनाले झण्डै १५ वर्ष विभिन्न शैक्षिक संस्थामा अध्यापन तथा अनुसन्धानको अनुभव पनि हासिल गरेका छन्।

डा.तिमिल्सिनाले विभिन्न रेडियो, टेलिभिजन तथा अन्य सञ्चारमाध्यममार्फत राष्ट्रिय र अन्तर्राष्ट्रिय राजनीतिका विषयमा कयौं अन्तर्वार्तामार्फत् बहस गर्दै आएका छन्।

तिमिल्सिना पत्रकारिताबाटै राजनीतिमा आएका हुन् ।

यसअघि २०७९ को निर्वाचनमा नुवाकोट क्षेत्र नम्बर १ मा डा. प्रधुम्न महतले रास्वपाबाट उम्मेदवारी दिएका थिए । उनले यसपटक चुनाव लड्ने भनेर सम्पर्क कार्यालय खोलेर गाउँबस्ती डुल्दै आएका थिए

तर रास्वपाले टिकट भने दिएन ।