नुवाकोट–२ मा एमालेबाट केशव पाण्डे एकल सिफारिस

नुवाकोट । प्रतिनिधि सभा सदस्य निर्वाचनको प्रत्यक्षतर्फ नुवाकोट–२ मा नेकपा एमालेले केशबराज पाण्डेलाई उम्मेदवार सिफारिस गरेको छ ।

नेकपा एमाले नुवाकोट क्षेत्र नम्बर २ निर्बाचन समन्वय कमिटीको बैठकले सर्बसम्मत रुपमा पाण्डेको एकल नाम सिफारीस गर्ने निर्णय गरेको हो ।

एमालेका केन्द्रिय सदस्य तथा बाग्मति प्रदेशका पुर्व मन्त्रि पाण्डे पहिलो पटक प्रतिनिधिसभाको चुनावको लागि उम्मेद्धवार बन्ने तरखरमा छन् ।

नेकपा एमाले नुवाकोटका अध्यक्ष बद्री मैनालीले नुवाकोट–२ मा केशबराज पाण्डेलाई उम्मेदवार बनाउन सबैको समर्थन भएपछि सर्वसम्मत निर्णय भएको बताए ।

नुवाकोट क्षेत्र नम्बर २ मा २०७९ सालको निर्वाचनमा नेपाली कांग्रेसका उम्मेद्धवार अर्जुननरसिंह केसी विजयी हुँदा रााष्ट्रिय स्वतन्त्र पार्टीका उम्मेद्धवार सुमन पाण्डे दोस्रो भएका थिए ।

२०७९ सालको निर्वाचनमा नेपाली कांग्रेस र तत्कालिन नेकपा माओवादी केन्द्रबीच गठबन्धन भएको थियो । जस अनुसार नुवाकोट क्षेत्र नम्बर १ माओवादी केन्द्रको भागमा परेको थियो भने क्षेत्र नम्बर २ कांग्रेसको भागमा परेको थियो ।