बट्टारमा पृथ्वीनारायण शाहको शालिक अनावरण

नुवाकोट । नुवाकोटको विदुर नगरपालिका वडा नम्बर ४ बट्टार पुरानो बजार पछाडी राष्ट्र निर्माता पृथ्वीनारायण शाहको शालिक मंगलवार अनावरण गरिएको छ ।

समाजसेवी तथा शिक्षाप्रेमी बाबुराम अधिकारीले आफ्नै घरमा निर्माण गरेको शालिकको साहित्यकार तथा कवि डा. नवराज लम्सालले एक कार्यक्रमको बिचमा अनावरण गरेका हुन् ।

अधिकारीले पृथ्वी नारायण शाहले नुवाकोटमा दरवार बनाएर देशमा एकीकरण गरेको तथा उनले नेपाललाई एक बनाएको उल्लेख गर्दै उनले आफ्नै घरमा शालिक निर्माण गरेको बताए ।

अधिकारीले पृथ्वी नारायण शाहको दिव्य उपदेश अहिले पनि उत्तिकै महत्वपुर्ण रहेको उनले बताए ।

शालिक अनावरण कार्यक्रममा विभिन्न सरोकारवालाहरुको उपस्थिति रहेको थियो ।