तुप्चेका रिजालले जन्मदिन बृद्धाश्रम र बालआश्रममा मनाए

नुवाकोट । नुवाकोटको विदुर ७ तुप्चेका आशिष रिजालले आफ्नो जन्मदिन बृद्धाश्रम र बालआश्रममा मनाएका छन् ।

रिजालले आफ्नो २९ औ जन्मदिन विदुर ५ देविघाटमा रहेको जेष्ठ नागरिक अध्ययन तथा संरक्षण प्रतिष्ठान र विदुर २ मा रहेको आमाको माया छात्रवासमा मनाएका हुन् ।

रिजालले जेष्ठ नागरिक अध्ययन प्रतिष्ठानमा गएर त्यहाँ आवश्यक पर्नै खाद्यान्न सहयोग गरेका हुन् । सहयोग गरिएको खाद्यान्नहरुमा चामल, चाउचाउ, विस्कुट, दाल, नुन तेल लगायत रहेका छन् ।

त्यस्तै विदुर २ मा रहेको आमाको माया छात्रवासमा रहेका बालकहरुलाई शैक्षिक सामाग्री वितरण गरेका छन् । जन्मदिनकै अवसर पारेर उनले रत्तदान समेत गरेका छन् ।

जन्मदिनको नाममा लाखौं रकम खर्च गरेर साथीभाइसँग पार्टी मनाएर मनाउनुभन्दा वृद्धाश्रममा रहेका वृद्धवृद्धालाई सहयोग गर्नु ठूलो धर्म हुने भएकाले वृद्धाश्रममा रहेका वृद्धवृद्धासँग खुशीयाली साटासाट गर्दै जन्मदिन मनाएको रिजालले बताए ।

उनले सानै भएपनि बृद्धबृद्धाहरुसँग खुशी साट्न पाएको भन्दै खुशी व्यक्त गरे ।