किस्पाङका घलेको लेक लागेर मृत्यु

नुवाकोट । मनाङमा लेक लागेर नुवाकोटका एकजनाको मृत्यु भएकाे छ ।

मनाङ्को नार्पाभूमी गाउपालिका वडा नम्बर ४ , याकखर्कमा लेक लागेर नुवाकोट जिल्ला किस्पाङ गाउपालिका वडा नम्बर १ का ४९ बर्षीय साम्बा घलेको शुक्रवार दिउँसो ३ बजे घटनास्थलमा नै मृत्यु भएको हो ।

साम्बा घले याकखर्कमा पर्यटकको भारी बोकेर फर्कने क्रममा अस्वस्थ भएका थिए । उनी बिरामी परेको केही समयमा नै उनको निधन भएको मृतकका ज्वाइले जानकारी दिएका छन ।

मौसम खराबीका कारण तत्काल उद्वार कार्य सम्भब नभएको जिल्ला प्रसासन कार्यालयले जनाएको छ । प्रमुख जिल्ला अधिकारीका अनुसार घटनास्थल प्रहरी चौकी च्याखु बाट १४ किलोमीटर उत्तर तर्फ रहेको छ ।

जुन ठाउमा पुग्न १२ घण्टा पैदल यात्रा गर्नुपर्छ । शब आइतबार हेलिकप्टरबाट ल्याइने जिल्ला प्रसासन कार्यालय मनाङले जनाएको छ ।