नुवाकोटको तादी खोलामा पौडी खेल्न गएका युवकको मृत्यु

नुवाकोट । नुवाकोटको तादी खोलामा पौडी खेल्न गएका एक युवकको मृत्यु भएको छ ।

मृत्यु हुनेमा काठमाण्डौको टोखा नगरपालिका वडा नम्बर ३ वस्ने समिर बाँनिया रहेको जिल्ला प्रहरी कार्यालय नुवाकोटले जनाएको छ ।

शनिवार विहान तादी गाउँपालिका वडा नम्बर ५ आप्रस्थित तादी खोलामा पौडी खेल्ने क्रममा उनी डुबेर सक्त घाईते भएका थिए ।
उनलाई स्थानिय एक मेडिकलमा सामान्य उपचारपछि थप उपचारको लागि काठमाण्डौका ग्रान्डी अस्पताल लगिएको थियो । त्यसै समयमा उनी बोल्न नसक्ने अवस्थामा रहेको प्रहरीले जनाएको छ ।

उनको उपचारको क्रममा काठमाण्डौमा रहेको ग्रान्डी अस्पतालमा दिउँसो करिव ४ बजेतिर मृत्यु भएको जिल्ला प्रहरी कार्यालय नुवाकोटले जनाएको छ ।

घटनाको विषयमा थप अनुसन्धान जारी रहेको प्रहरीले बताएको छ ।