विदुरमा प्लाष्टिकको फूल बिक्रीवितरण तथा प्रयोगमा रोक

नुवाकाेट ।नुवाकाेटको विदुर नगरपालिकाले प्लाष्टिकको फूल बिक्री, वितरण तथा उत्पादनमा रोक लगाएको छ ।

नगरपालिकाले सूचना जारी गर्दै स्थानीय फूल उत्पादनलाई प्रोत्साहित गर्न नगर क्षेत्रभित्र प्लाष्टिकको फूल बिक्री, वितरण तथा प्रयोगमा रोक लगाइएको हो ।

प्राकृतिक फूलमालाको प्रयोग गर्न आग्रह गर्दै नगरपालिकाले सूचनाविपरीत प्लाष्टिकको फूलमालाको बिक्री वितरण तथा प्रयोग गरेको पाइएमा नियमनको दायरामा ल्याइने जनाएको छ ।

स्थानीय उत्पादन तथा प्राकृतिक स्वदेशी फूलको उत्पादन एवं प्रवर्द्धन गर्नु सबैको दायित्व भएको उल्लेख गर्दै नगरपालिकाका प्रमुख प्रशासकीय अधिकृत सुभाकर पाैडेलले प्लाष्टिकको फूलको प्रयोगले वातावरणमा क्षति हुने र माटोमा नकुहिने भएकाले वातावारणीय सौन्दर्यमा समेत नकारात्मक असर पर्ने भएकाले स्थानिय फूलको मात्र प्रयोग गर्न आग्रह गरे।

यस्तो छ नगरपालिकाका सुचना ।