पाँचखलेमा बृहत राष्ट्र शान्ति शैक्षिक तथा भागवत महोत्सव शुरु

नुवाकोट । बेलकोटगढी नगरपालिका वडा नम्बर ८ पाँचखलेमा रहेको जनसेवा आधारभूत विद्यालयको शैक्षिक स्तर उन्नती एवं अक्षयकोष स्थापनाका लागि बृहत राष्ट्र शान्ति शैक्षिक तथा भागवत महोत्सव शुरु शुरु गरिएको छ ।

विभिन्न संघसंस्थाको सहयोगमा भएको बृहत राष्ट्र शान्ति शैक्षिक तथा भागवत महोत्सवको संरक्षकमा बेलकोटगढी नगरपालिकाको कार्यालय रहेको छ भने यज्ञ व्यवस्थापकमा बेलकोटगढी नगरपालिका वडा नम्बर ८ को कार्यालय, र विद्यालय आफै रहेको छ ।

विद्यालयको शैक्षिक स्तर उन्नती एवं अक्षयकोष स्थापनाका लागि आयोजना गरिएको भागवत महोत्सवको लागि प्रमुख कथा वाचक पण्डित कपिलदेव भट्ट रहेका छन् ।

शुक्रवारदेखि शुरु भएको बृहत राष्ट्र शान्ति शैक्षिक तथा भागवत महोत्सव आगामी कार्तिक १ गतेसम्म संचालन हुने छ ।

महोत्सवमा राष्ट्रिय स्तरका कलाकारहरुबाट संगीतमय भजनकीर्तन, देवलीला सहितको झाँकी प्रर्दशन भइरहेको छ ।