नुवाकोटको कोल्पुखोलामा एक महिलाको लाश फेला

नुवाकोट । नुवाकोटको ककनी गाउँपालिका वडा नम्बर ३ कोल्पुखोलामा एक महिलाको लाश फेला परेको छ ।

बिहिबार विहान कोल्पुखोला किनारमा नामथर तथा वतन नखुलेको शव सडेगलेको अवस्थामा भेटिएको जिल्ला प्रहरी कार्यालय नुवाकोटले जनाएको छ ।

उक्त शव पछि तादी गाउँपालिका वडा नम्बर १ बस्ने सार्की तामाङले आफ्नी श्रीमति माइती तामाङको रहेको भन्दै सनाखद गरेका छन् ।

माईती ककनी गाउँपालिका वडा नम्बर १ डम्पिङ साइडमा फोहोर संकलकको रुपमा काम गर्दै आएकी थिइन् ।

उनी यहि असोज १३ गते बिहानको समय तिर घरबाट निस्कपछि बेपत्ता भएकी थिइन् ।