झरनाको सुन्दरता हेर्न दिनहुँ मानिसहरु आउने गर्दछन् । तर बिदाको दिन भने झरना हेर्नेको भिड थामिनसक्नु हुने गरेको स्थानीय पर्यटन व्यवसायी शशि लामिछानेले बताए । झरना हेर्न काठमाडौंदेखि आएका पुष्पनाथ आचार्यले भने, ‘टिकटकमा भांगे झरना देखेपछि साथीहरुको ग्रुप बनाएर घुम्न आएका हौं ।’

Advertisement

उनीहरु दुई दिनसम्म त्यहीं बसेर घुमे । झरना हेर्न छिमेकी जिल्ला नुवाकोट, काठमाडौं, ललितपुर, भक्तपुर, धादिङ चितवन, गोर्खा, मकवानपुरलगायतबाट पनि आउँछन् । झरना हेर्न पुग्ने धेरैजसो युवायुवतीहरु पौडी खेल्ने, झरनामा नुहाउने, टिकटक बनाउने, फोटो खिच्ने, भिडियो बनाउने गर्छन् ।