नुवाकोटको दुबै क्षेत्र र प्रदेशमा महत–लामा पक्ष हाबी, केसी पक्ष पत्तासाफ

नुवाकोट । नेपाली काग्रेसको १४ औं अधिवेशनअन्तर्गत नुवाकोटको सभापतिमा रमेशकुमार महतले जितेका छन् ।

उनका प्रतिस्पर्धी चिकित्सक केदारनरसिंह केसी थिए । प्रतिस्पर्धी केसीले ८ सय २३ मत पाए भने उनले ८ सय ३३ मत ल्याएर विजयी भएका छन् । कुल १७४७ मत खसेको थियो ।

महतको पूरै प्यानलले जित हासिल गरेको छ । महतले संस्थापन पक्ष रामचन्द्र पौडेलको भए पनि उनलाई शेरबहादुर देउवा पक्षको साथ थियो । नुवाकोट संघीय निर्वाचन क्षेत्र २ र प्रदेशसभाको ४ वटै क्षेत्रमा देउवा पक्ष हाबी छ ।

निर्वाचित हुने उपसभापतिहरुमा सन्तमान तामाङ, राजु थापा, सचिवद्वयमा वैकुण्ठ मिश्र, श्रीराम श्रेष्ठ, सहसचिवमा यादव नेपाल र उत्तम पाठक छन् ।

महत पूर्वअर्थमन्त्री रामशरण महतका भतिजा हुन् । केसी कांग्रेस केन्द्रीय सदस्य अर्जुननरसिंह केसीका भाइ हुन् ।