दुप्चेश्वर गाउँपालिकाद्वारा हेलम्बुका बाढी पहिरो पिडितको लागि सहयोग

दुप्चेश्वर गाउँपालिकाले हेलम्बुमा गएको बाढी पहिरोका लागि ५ लाख सहयोग गरेको छ ।

आइतबार बसेको पालिकाको बैठकले हेलम्बु गाउँपालिकाको विपद् व्यवस्थापन कोषमा ५ लाख रुपैयाँ आर्थिक सहयोग प्रदान गर्ने निर्णय गरेको पालिका अध्यक्ष योविन्द्रसिंह तामाङले जानकारी दिए ।

यो विपद्को घडीमा छिमेकीले सहयोग गर्नु धर्म हो‚ पालिकाका अध्यक्ष तामाङले भने ।

पालिकाले छिमेकी जिल्ला सिन्धुपाल्चोकको हेलम्बु गाउँपालिकामा हालसालै आएको बाढी र पहिरोले पुर्‍याएको धनजनको क्षतिप्रति दुख व्यक्त गरेका छन् ।