नुवाकोटको लिखुमा आफ्नै बावुुद्दारा ६ वर्षिय छोरी बलात्कृत

विदुर । आफ्नै ६ वर्षिय छोरीलाई जवरजस्ती करणी गरेको आरोपमा लिखु गाउँपालिका वडा नम्बर १ बाट एक वावु पक्राउ परेका छन् ।

पक्राउ पर्नेमा ३६ वर्षिय रामे गुरुङ (नाम परिवर्तन ) रहेको जिल्ला प्रहरी कार्यालय नुवाकोटले जनाएको छ । गुरुङले आफ्नै छोरीलाई करणी गरिरहेको अवस्थामा उनकी श्रीमतिले देखेपछि प्रहरीमा खबर गरेकी थिइन् । उनले प्रहरीमा किटानी जाहेरी दिएकी थिइन् । जिल्ला प्रहरीको टोलिले उनलाई पक्राउ गरि जबरजस्ती करणी मुद्दामा कारवाही अगाडी बढाएको छ ।

उनलाई जिल्ला अदालतबाट १५ दिनको म्याद थप गरि अनुसन्धान शुरु गरेको जिल्ला प्रहरी कार्यालय नुवाकोटका डिएसपी राजेश थापाले जानकारी दिए ।