भिरबाट लडेर मुन्थलामा एक जनाको ज्यान गयो

मुन्थला । विदुर नगरपालिका वडा नम्बर ६ मुन्थलामा गत साता भिरबाट लडेर एक जनाको ज्यान गएको छ ।

मृत्यु हुनेमा ५५ वर्षिय निलप्रसाद रिमाल रहेको जिल्ला प्रहरी कार्यालय नुवाकोटले जनाएको छ ।

उनको उपचारको लागि अस्पताल लैजाँदा बाटोमै मृत्यु भएको प्रहरीले जनाएको छ । वनमा स्याउला काट्न गएका रिमाल स्याउला काट्दै गरेको अवस्थामा भिरबाट खसेका थिए ।