वडा सदस्य थापाले गरे व्यक्तिगत खर्चमा राहत वितरण

नुवाकाेट । गत भदौ १० गते आएको विनाशकारी लेदोसहितको पहिरो र बाढीपछि उत्पन्न कठिन परिस्थितिमा आफ्ना व्यक्तिगत व्यस्ततालाई पन्छाउँदै नुवाकाेटकाे तारकेश्वर गाउँपालिका वडा नम्बर ४ का वडा सदस्य रामकाजी थापाले आफ्नै व्यक्तिगत खर्चमा राहात वितरण गरेका छन् ।

बाढीको खबर पाउनासाथ भदौ १२ गते काठमाडौँबाट गाउँ पुगेका उनले गाउँ पुगेर प्रशंसनीय राहत तथा उद्धार कार्य सम्पन्न गरेका छन्।

गाउँ पुग्ने बित्तिकै मोबाइल बिग्रिएर विपदको तथ्याङ्क सङ्कलन र समन्वयमा समस्या आए पनि उनले घरमा रहेको पुरानो मोबाइलको प्रयोग गरी राहत कार्य अघि बढाएक थिए।

तारकेश्वर गाउँपालिका वडा नम्बर ४ बाट प्रभावितहरूको तथ्याङ्क सङ्कलन गरी काठमाडौँ तथा देश-विदेशमा रहेका आफन्त र साथीभाइहरूसँग समेत उनले समन्वय गरेका थिए ।

थापाले आफ्नै व्यक्तिगत खर्चमा बाढी तथा पहिरोबाट प्रत्यक्ष प्रभावित परिवारहरूलाई राहत सामाग्री उपलब्ध गराएका हुन्। वितरण गरिएकाे सामाग्रीहरुमा दैनिक जस्वनमा आवश्यक पर्ने खाध्यान्न, सिरक डसना लगायत रहेका छन् । थापाको व्यक्तिगत सहयोग तथा देश-विदेशका साथीभाइहरूको उत्साहजनक साथले राहत अभियान थप प्रभावकारी बनेको भन्दै बाढी प्रभावितहरु समेत खुशी भएका छन् ।

थापाले गाउँमा विद्युत अवरुद्ध भएको समयमा मोवाइल चार्ज गर्न समेत समस्या भएपछि चार्जिङ स्टेशन समेत निर्माण गरिदएका छन् । जसका कारण बिजुली र सञ्चार विच्छेद भएको अवस्थामा पनि स्थानीयवासीले आफ्ना सन्तान तथा आफन्तहरूसँग सम्पर्क स्थापित गर्न सहजता पाएका छन्।