अजिंगरे माबिबाट वडा कार्यालय जोड्ने सडकको कालोपत्रे सम्पन्न

नुवाकोट । विदुर नगरपालिका वडा नम्बर १३ अजिंगरे माबिबाट वडा कार्यालय जोड्ने मुख्य सडकको स्तरउन्नती सहित कालोपत्रे गर्ने काम सम्पन्न भएको छ ।

विदुर नगरपालिकाले ३ करोड रुपैयाँमा ठेक्का लगाई स्तरउन्नती सहित भइरहेको कालोपत्रे अन्तरगत ११०० मिटर सडकमा स्तरउन्नती सहित कालोपत्रे गरिएको छ ।

सडकको स्तरउन्नती सहित कालोपत्रे गर्ने कामे दुर्पना अन्नपुर्ण गौतम जेभीले गरेको हो । सडक निर्माणको क्रममा गुणस्तरमा कुनै सम्झौता नगरिएको निर्माण व्यवसायी श्याम लामाले जानकारी दिए ।

सडकको कालोपत्रे कार्यको विदुर नगरपालिकाको नगर प्रमुख राजन श्रेष्ठसहित वडा नम्बर ३ का वडाध्यक्ष बद्री रिमाल, वडा नम्बर १३ का अध्यक्ष भरत तामाङ, वडा नम्बर ८ का निवर्तमान वडाध्यक्ष फैसिंह तामाङ, नगरपालिकाको प्राविधिक सहितको टिमबाट अनुगमन समेत गरेका छन् ।