बेलकोटको नलगाउँमा रुखले च्यापिएर एक जनाको मृत्यु

नुवाकोट । नुवाकोटको बेलकोटगढी नगरपालिका वडा नम्बर ९ खर्कटोल नलगाउँमा रुखले च्यापिएर एक जनाको मृत्यु भएको छ ।

मृत्यु हुनेमा बेलकोटगढी नगरपालिका वडा नम्बर ९ का ३५ वर्षिय प्रेम तामाङ रहेको जिल्ला प्रहरी कार्यालय नुवाकोटले जनाएको छ ।

खर्कटोल नलगाउँका अरुण तामाङको बारीमा कुटमेरोको रुख काट्ने क्रममा कुटमेरोको रुखले च्यापिएर उनको घटनास्थलमानै मृत्यु भएको जिल्ला प्रहरी कार्यालय नुवाकोटका डिएसपी विक्रम लामाले जानकारी दिए ।

र्दुघटनामा दुई जना सामान्य घाइते भएका छन् । घाइते हुनेमा अरुण तामाङ र माधव भुजेल रहेका छन् । तामाङको ढाडमा चोट लागेकोले उपचारको लागि त्रिशुली अस्पताल ल्याइएको छ भने भुजेलेको अवस्था सामान्य रहेको छ ।

घटनाको विषयमा थप अनुसन्धान जारी रहेको जिल्ला प्रहरी कार्यालय नुवाकोटले जनाएको छ ।