कांग्रेस नुवाकोटका जिल्ला सदस्य श्रेष्ठले गरे पार्टी परित्याग

नुवाकोट । नेपाली कांग्रेस नुवाकोटका जिल्ला सदस्य शैलेश श्रेष्ठ पार्टी परित्याग गरेको घोषणा गरेका छन् ।

बिहिबार विहान सामाजिक संजाले फेसबुकमार्फत उनले पार्टीको जिल्ला सदस्यबाट राजीनामा दिएको जानकारी दिए । त्यस्तै उनले नेपाली कांग्रेसको सक्रिय सदस्य समेत नरहने गरी पार्टी परित्याग गर्ने बताए ।

पछिल्लो समय पार्टीमा सिद्धान्तभन्दा पनि व्यक्तिवाद प्रवृति हाबी भएको आरोप लगाउँदै उनले पार्टी परित्यागको घोषणा गरेका हुन् । नेपाल तरुण दलको जिल्ला सदस्य हुँदै पार्टीको १४ औ महाधिवेशनबाट जिल्ला सदस्यमा निर्वाचित भएका श्रेष्ठले पार्टी परित्याग गरेर स्वतन्त्र भएर वस्ने बताएका छन् ।

श्रेष्ठले नेपाली काग्रेस आफ्नो सिद्धान्त र मुल्य मान्यताबाट पूर्ण रुपमा च्यूत भई व्यत्तिबादी प्रवृति हावी भएकोले पार्टीबाट अलग हुने निर्णय गरेको विदुर खबरलाई जानकारी दिए ।

उनले कांग्रेसमा नेपाली जनताका लागि भन्दा व्यत्तिबादी प्रवृति हावी भएकोले पार्टी छाडेको बताए ।