खेतको कुलोमा लडेर नुवाकोटमा एक जनाको मृत्यु

नुवाकोट । नुवाकोटको शिवपुरी गाउँपालिका वडा नम्बर ८ सत्तरीमा खेतको कुलोमा लडेर एक जनाको मृत्यु भएको छ ।

मृत्यु हुनेमा सत्तरीका अन्दाजी ६० वर्षिय रामशरण गिरी रहेको जिल्ला प्रहरी कार्यालय नुवाकोटले जनाएको छ ।

सोमवार दिउँसो साढे एक बजे घटना भएको प्रहरीले जनाएको छ । घटनापछि जिल्ला प्रहरी कार्यालय नुवाकोटबाट अनुसन्धान अधिकृत सहितको टोली घटनास्थल पुगेको थियो ।

प्रहरीले शवको मुचुल्का लगायतका प्रारम्भिक अनुसन्धानको कार्य पुरा गरि पोष्ट मार्टमको लागि त्रिशुली अस्पताल नुवाकोट ल्याएको छ ।

घटनाको विषयमा सम्बन्धमा थप अनुसन्धान भइरहेको जिल्ला प्रहरी कार्यालय नुवाकोटका डिएसपी विक्रम लामाले जानकारी दिए ।