सरस्वती आधारभुत विद्यालयमा विज्ञान प्रयोशाला

नुवाकोट । नुवाकोटको तारकेश्वर गाउँपालिका वडा नमबर ४ नेवारपानीमा रहेको सरस्वती आधारभूत विद्यालयमा विज्ञान प्रयोगशालाको उद्घाटन गरिएको छ ।

बिहिबार गाउँपालिकाका अध्यक्ष शिव अधिकारीले विद्यालयको विज्ञान प्रयोगशालाको उद्घाटन गरेका हुन् । विज्ञान प्रयोगशालाको उद्घाटन गर्दै गाउँपालिकाका अध्यक्ष अधिकारीले ३ लाख ५० हजार रुपैयाँको विज्ञान प्रयोगशालाका सामग्रीहरू (कम्पाउन्ड माइक्रोस्कोप, पर्मानेन्ट स्लाइड्स, बायोलोजिकल स्पेसिमेन्स, केमिकल्स, स्केलेटन्स, चाट्र्स आदि) हस्तान्तरण गरेका हुन् ।

यसअघि, सो विद्यालयमा आइसिटी ल्याब स्थापना गरी ६ लाख ५० हजार रुपैयाँको आइसिटी प्रविधि हस्तान्तरण गरिएको थियो ।

अध्यक्ष अधिकारीले परम्परागत घोकन्ते शिक्षामा भर नपरी समय सापेक्ष विज्ञान र प्रविधिलाई आत्मसात् गर्दै प्रयोगात्मक र प्रविधिमैत्री शिक्षालाई बढावा दिनुपर्ने बताउँदै आएका छन् ।

उनले सोही अनुरूप विद्यालयहरूको प्राविधिक क्षमता अभिवृद्धिका लागि गाउँपालिकाको तर्फबाट सहयोग उपलब्ध गराउँदै आएका छन् ।