विद्यार्थीहरूलाई पोसाक वितरण

नुवाकोट । नुवाकोटको विदुर नगरपालिका–८ हात्तिगौडामा रहेकाे भैरुम माविका कक्षा ११ र १२ का विद्यार्थीहरूलाई पोसाक वितरण गरिएको छ ।

विदुर नगरपालिका–८ हात्तिगौडामा रहेकाे सारथी बचत तथा ऋण सहकारी संस्था लिमिटेडले भैरुम माविमा अध्ययनरत एक सय जना विद्यार्थीहरूलाई विद्यालय पोसाक वितरण गरेको हो । सहकारीले सहकारीको सातौँ सिद्धान्त ’समुदायप्रति चासो’ अन्तर्गत विद्यालयमा अध्ययनरत कक्षा ११ र १२ का एक सय जना विद्यार्थीहरूलाई एक/एक थान विद्यालय पोसाक हस्तान्तरण वितरण गरेकाे हाे ।

विद्यालयमा आयोजित एक कार्यक्रममा विद्यार्थीहरूलाई सहकारीका अध्यक्ष गोकर्ण रोक्का, व्यवस्थापक सुदीप श्रेष्ठ, विद्यालय व्यवस्थापन समितिका अध्यक्ष सबिन श्रेष्ठ, प्रधानाध्यापक शिवराम श्रेष्ठ, +२ का कार्यक्रम संयोजक नारायण श्रेष्ठलगायतले हस्तान्तरण गरेका थिए ।

सहयोगले विद्यार्थीहरूलाई शैक्षिक तथा खेलकुद गतिविधिमा थप प्रोत्साहन मिल्ने विश्वास सहकारी र विद्यालयले लिएकाे छ। सहकारीको सातौँ सिद्धान्त ‘समुदायप्रति चासो’ लाई आत्मसात् गर्दै विद्यालयमा अध्ययनरत कक्षा ११ र १२ का एक सय जना विद्यार्थीहरूलाई ट्रयाकसुट वितरण गरिएको सहकारीका अध्यक्ष गोकर्ण रोक्काले बताए ।