स्वर्ण विजेता कुमारलाई सुर्यगढी ३ को नगदसहित सम्मान

नुवाकोट । अन्तर्राष्ट्रिय स्तरमा गौरव दिलाउने नुवाकोटको सुर्यगढी गाउँपालिका वडा नम्बर ३ का खेलाडी कुमार तामाङ नगद ५१ हजार रुपैयाँसहित सम्मानित भएका छन् ।

सुर्यगढी गाउँपालिका वडा नम्बर ३ को कार्यालयले आईतवार एक कार्याक्रमको आयोजना गरेर उनलाई नगद ५१ हजार रुपैयाँसहित सम्मान गरेको हो ।

चीनमा २०२५ अगस्ट २१ देखि २५ सम्म सम्पन्न भएको एन्टा ग्राण्ड स्ल्याम युथ लिगको फाइनलमा नेपालबाट पहिलो पटक भर्चुअल ग्यरोगी (भिआर) इभेन्टमा कुमारले स्वर्ण पदक जित्न सफल भएका थिए ।

कार्यक्रममा वडा अध्यक्ष पिङल बहादुर थापा मगरले कुमारले स्वर्ण पदक जितेर सुर्यगढीको मात्र नभई नेपालकै नाम अन्तराष्ट्रिय स्तरमा फैलाउन सफल भएको भन्दै खुशी व्यक्त गरे । उनले खेलकुद क्षेत्रको उन्नति र प्रतिभावान खेलाडीको प्रोत्साहनका लागि वडा कार्यालयले सधैं सहयोग गरिरहने प्रतिवद्धता समेत व्यक्त गरे ।

यस्तै सम्मानित भएका कुमारले आफुले हासिल गरेको उपलब्धि सुर्यगढी र सम्पूर्ण नुवाकोटेको लागि गौरव भएको बताए । उनले आगामी दिनमा अझ ठूलो सफलता प्राप्त गर्न आफु लागि पर्ने बताए ।

सम्मानित भएका खेलाडी कुमार तामाङले करिब दुई दशकदेखि निरन्तर राष्ट्रिय तथा अन्तर्राष्ट्रिय प्रतियोगिताहरूमा पदक हासिल गर्दै नेपाली खेलकुदलाई गौरव दिलाउँदै आएका छन् ।

उनी तेक्वान्दोका दक्ष निर्णायक (रेफी) तथा नुवाकोट जिल्ला खेलकुद विकास समितिका सदस्यको रूपमा रहँदै खेलकुदको अनुशासन, विकास र प्रवद्र्धनमा महत्वपूर्ण योगदान पु¥याउँदै आइरहेका छन् ।