विदुर वडा नम्बर ४ मेयर कप क्रिकेटको सेमिफाईनल प्रवेश

नुवाकोट । विदुर नगरपालिका वडा नम्बर ४ प्रथम विदुर मेयर कप वडास्तरीय टि–२० क्रिकेटको सेमिफाईनलमा प्रवेश गरेको छ ।

विहिबार विहान भएको पहिलो खेलमा विदुर वडा नम्बर २ लाई ४२ रनले पराजित गर्दै वडा नम्बर ४ सेमिफाईनल प्रवेश गर्ने तेस्रो टोली बनेको हो । टस हारेर पहिले ब्याटिङ गरेको वडा नम्बर ४ ले निर्धारित २० ओभरमा सबै विकेट गुमाउँदै १३९ रन बनायो । विदुर ४ लाई जित दिलाउन संजित तिवारीले अर्धशतकिय पारी खेले । उनले ३६ वलमा ५ छक्का र ४ चौकासहित ५८ रन बनाए ।

बलिङतर्फ विदुर २ का दिपेश तिमिल्सेनाले तीन विकेट लिए भने रोशन भट्टले दुई विकेट लिए ।

जवाफमा १४० रनको लक्ष्य लिएर मैदानमा उत्रिएको विदुर २ ले १७.५ ओभरमा सबै विकेट गुमाउँदै ९७ रन मात्र बनाउन सक्यो । उसको लागि अश्विन न्यौपानेले २८ रन बनाए भने रोशन भट्टले २० रनको योगदान दिए ।

विदुर २ लाई सस्तैमा समेट्न विदुर ४ का किशोर अर्याल र संगीत रन्जितले समान तीन विकेट लिए ।

खेलको म्यान अफ दि म्याच विदुर ४ का संजीत तिवारी घोषित भए । सेमिफाईनल प्रवेश गरेको विदुर ४ ले अब फाईनल प्रवेशको लागि विदुर ७ सँग शुक्रवार प्रतिष्पर्धा गर्नेछ ।

त्यस्तै रमेश गिरीले दुई छक्का र एक चौकासहित २१ रनको योगदान दिए ।