नुवाकोटको लिखु खोलामा डुबेर एक जनाको मृत्यु

नुवाकोट । नुवाकोटको लिखु खोलामा डुबेर एक जनाको मृत्यु भएको छ ।

पञ्चकन्या र शिवपुरी गाउँपालिकाको सिमानामा पर्ने त्रिवेणीधाम नजिकै लिखु खोलामा डुबेर एक युवकको ज्यान गएको प्रहरीले जनाएको छ ।

शुक्रबार दिउँसो पौडी खेल्ने क्रममा काठमाडौ बुढानिलकण्ठ घर भएका १८ वर्षिय रिजन गजमेरको मृत्यु भएको जिल्ला प्रहरी कार्यालय नुवाकोटले जनाएको छ ।

मृतक गजमेरको शवलाई पोस्टमार्टमका लागि काठमाडौस्थित शिक्षण अस्पताल लगिएको छ ।