नुवाकोट शिवपुरीमा जिप दुर्घटना, चालक घाइते

नुवाकोट । नुवाकोटको शिवपुरी गाउँपालिका-७ चाँपबोटको च्यानडाँडामा जिप दुर्घटना भएको छ ।

छहरे-टोखा सडकखण्डअन्तर्गत बुधबार दिउँसो सवा ४ बजेतिर चाँपबोटको सडकबाट बा १३ च ६७७५ नंको बोलेर जिप करिब ५ मिटर तल खसेर दुर्घटना भएको हो ।

जिपमा चालकमात्रै भेटिएको प्रहरी चेक पोस्ट गुर्जेका असई हेम शर्मा पौडेलले जानकारी दिए ।

घाइते चालक काभ्रेपलाञ्चोक भुम्लु गाउँपालिका १ का सुवास रिजाललाई उपचारका लागि काठमाडौं पठाइएको छ । जिप पूर्णरुपमा क्षति भएको छ ।