वर्डस्टोनसहित आधा दर्जन अवैध क्रसरमा विद्युत काटियो

नुवाकोट । नुवाकोटको तादी र त्रिशुली नदीमा अवैध रुपमा चलेको वर्डस्टोन क्रसरसहित आधा दर्जन क्रसरमा नेपाल विद्युत प्राधिकरणले विद्युत काटेको छ ।

जिल्लाका प्रहरी र प्रशासन मिलेर अवैध रुपमा संचालन भएका क्रसरहरु बन्द गरिदिएपछि विद्युत प्राधिकरण नुवाकोटले पसिन सो क्रसरहरुमा विद्युत काटिदिएको हो । विद्युत प्राधिकरण नुवाकोटका अनुसार विद्युत काटिने क्रसरहरुमा
क्षेत्रपाल क्रसर उद्योग प्रा.लि.,सुर्य कुण्ड रोडा ढुङ्गा उद्योग प्रा.लि., दुप्चेश्वर रोडा ढुङ्गा क्रसर उद्योग प्रा.लि.र नेस्नल लाईभ ‍एण्ड स्टोन कम्पनी प्रा.लि.रहेको नेपाल विद्युत प्राधिकरण त्रिशुलीले जनाएको छ ।

सर्वाेच्च अदालतको आदेश अनुसार अवैध रुपमा चलेका क्रसहरुमा विद्युत काटिएको बताइएको छ । स्मरण रहोस नुवाकोटका अवैध क्रसर खुलाउन नुवाकोटका जनप्रतिनिधिले सिडियोलाई दवाव दिइरहेका छन् ।