लकडाउन खुकुलो भएसंगै नुवाकोटको जनजीवन सामान्य बन्दै

विदुर । कोरोना संक्रमणको त्रासका कारण करिब ३ महिनादेखि जारी लकडाउन खुकुलो भएसंगै नुवाकोटको जनजीवन सामान्य अवस्थामा फर्कन थालेको छ ।

लकडाउन खुकुलो भएपनि कोरोना संक्रमण भने जिल्लामा दिनानुदिन बढ्दै गएको छ । नुवाकोटमा हालसम्म कोरोना संक्रमितको संख्या १५ पुगेको छ भने निको भएर घर जानेको संख्या ३ पुगेको छ ।

हालसम्म नुवाकोटको तारकेश्वर गाउँपालिकामा ६ जना,म्यागङ गाउँपालिकामा ३ जना र दुप्चेश्वर गाउँपालिकामा २ जना संक्रमित भेटिएका छन भने विदुर नगरपालिका, वेलकोटगढी नगरपालिका, तादी गाउँपालिका र ककनी गाउँपालिकामा एक÷एक जनामा कोरोनता संक्रमित भेटिएको स्वास्थ्य कार्यालय नुवाकोटले जनाएको छ ।