नुवाकोटमा आजको सार्वजनिक बिदा खारेज

नुवाकोट । लगातारको वर्षाका कारण असोज १९ र २० गतेका लागि घोषणा गरिएको सार्वजनिक बिदा नुवाकोटमा खारेज गरिएको छ।

मौसममा सुधार आएपछि जिल्ला प्रशासन कार्यालय नुवाकोटले आइतबार सूचना जारी गर्दै सोमबार (असोज २०) बिहान १० बजेदेखि सबै सरकारी कार्यालय, संस्थान र स्थानीय तहहरू नियमित सञ्चालन गर्न निर्देशन दिएको छ ।

गृह मन्त्रालयको निर्देशनअनुसार विपद् जोखिम प्रतिकार्यमा प्रत्यक्ष संलग्न नभएका जिल्लाहरूमा सेवा सुचारु गर्न भनिएको थियो।

नुवाकोटका प्रमुख जिल्ला अधिकारी शशीधर घिमिरेले जिल्लामा कुनैपनि समस्या नभएकोले सरकारी कार्यालयहरु सुचारु गर्न आग्रह गरे । उनले जिल्लाको सबै सरकारी कार्यालयहरु आजदेखि खुल्ने बताए ।

त्यसअनुसार नुवाकोटका सबै सरकारी सेवा पुनः सञ्चालनमा आएका छन्।