सुर्यगढीमा भिरबाट खसेर अधिकारीको मृत्यु

नुवाकोट । नुवाकोटको सूर्यगढी गाउँपालिका वडा नम्बर ३ सूर्यगढी डाँडामा भिरबाट खसेर एक जनाको मृत्यु भएको छ ।

मृत्यु हुनेमा रामशरण अधिकारी रहेको जिल्ला प्रहरी कार्यालय नुवाकोटले जनाएको छ ।

प्रहरीका अनुसार बुधबार बिहान करिब १०ः३० बजे अधिकारी बागेश्वरी मन्दिर दर्शन गरी फर्कने क्रममा बाटोबाट ६०–७० मिटर तल खसेका थिए ।

भिरबाट खस्दा टाउको र शरीरमा गम्भीर चोट लागेका अधिकारीलाई तत्काल उपचारका लागि त्रिशुली अस्पताल पुरÞ्याइएको थियो । तर, उपचारकै क्रममा उनको मृत्यु भएको प्रहरीले जनाएको छ ।

घटनाबारे थप अनुसन्धान भइरहेको प्रहरीले जनाएको छ।