नुवाकोटको त्रिशुली नदि किनारमा एक बृद्धको शव फेला

नुवाकोट । नुवाकोटको त्रिशुली नदि किनारमा एक अज्ञात व्यक्तिको शव फेला परेको छ ।

बिहिबार विहान ११ बजेको समयमा बेलकोटगढी नगरपालिका वडा नम्बर ५ कोल्पुटार दोवानटार स्थित त्रिशुली नदिको बगरमा अज्ञात पुरुषको शव फेला परेको जिल्ला प्रहरी कार्यालय नुवाकोटले जनाएको छ ।

नाम थर नखुलेको अन्दाजी ६०÷६२ वर्षिय पुरुषको मृत लाश फेला परेको छ भन्नेसुचना प्राप्त भएपछि जिल्ला प्रहरी कार्यालय नुवाकोटबाट प्रहरी अधिकृतको सहितको टोली घटनास्थल पुगेको थियो ।

मृतक शवको प्रारम्भिक अनुसन्धान गरी पोष्टमार्टम कार्यको लागि त्रिशुली अस्पताल नुवाकोट ल्याइएको छ भने थप अनुसन्धान जारी रहेको जिल्ला प्रहरी कार्यालय नुवाकोटका डिएसपी विक्रम लामले जानकारी दिए ।

मृतकको नामथर, वतन हालसम्म सनाखत हुन नसकेकोले मृतक पुरुष व्यक्तिको कोही कसैले पहिचान गरेमा जिल्ला प्रहरी कार्यालय नुवाकोटमा खबर गर्न उनले आग्रह गरे ।