नुवाकोटका निजी विद्यालय सञ्चालकहरूले सडकमा उतारे स्कुल बस

नुवाकोट । निजी तथा आवासीय विद्यालय अर्गनाइजेसन नेपाल (प्याब्सन) नुवाकोटले शिक्षा विधेयकका प्रावधानहरू निजी विद्यालयको हितविपरीत रहेको भन्दै आज विरोध कार्यक्रम गरेको छ ।

उनीहरूले आज बिहान ११ बजेदेखि विद्यालयहरूका सवारीसाधनमा कालो ब्यानर टाँसी नुवाकोटको बजार क्षेत्रमा उतारेका छन् । साथै, प्रतिघण्टा २० किमीको गतिमा विस्तारै नगर परिक्रमा गरेका छन् ।

बिहान ११ बजे गगटेबाट विद्यालयका बसकासाथ र्‍याली आयोजना गरिएको थियो । गगटेबाट शुरु भएको र्‍याली देविघाट पुगेर पुन ः फर्केर पिपलटार –  बट्टार –  बिदुर हुँदै त्रिशुली पुगेर समापन गरिएको थियो ।  

सो अवसरमा जिल्लाभरमा रहेका ३९ निजी विद्यालयहरुका ६० भन्दा बढि सवारीसाधानको प्रदर्शन गरिएको थियो ।