नुवाकोट किस्पाङका तामाङ पक्राउ

नुवाकोट । नुवाकोटको किस्पाङ गाउँपालिका वडा नम्बर १ भाल्चेका ४८ वर्षिय नाम्केल तामाङ पक्राउ परेका छन् ।

हेटौंडा उपमहानगरपालिका वडा–११, सुकुम्वासी टोलमा त्रिवेणीचोकस्थितमा कोठा भाडामा लिइ नक्कली सुनलाई सक्कली भनेर स्थानीयलाई ठग्दै गरेको अवस्थामा प्रहरीले उनीसहित अन्य तीनजनालाई प्रहरीले मंगलबार राति करिब ६ बजे पक्राउ गरेको हो ।

पक्राउ पर्न अन्यमा मकवानपुरगढी गापा–२ बस्ने वर्ष ३४ का किशोर लामागोले, बकैया गापा–८ बस्ने वर्ष ४५ का सूर्यबहादुर नेगी, र वडा–७ बस्ने वर्ष ४४ का सेतेलाल गोङ्बा रहेका छन् ।

उनीहरुको कोठाभित्र फेला पारी खानतलासी गर्ने क्रममा झोलाभित्र राखिएको अवस्थामा सुनजस्तो देखिने पहेंलो धातु ५० थान फेला परेको थियो ।

उक्त धातु आवश्यक परीक्षणका लागि मकवानपुर सुनचाँदी व्यवसायी संघलाई पत्राचार गर्दा जसमध्ये ४९ थान नक्कली रहेको र १ थान (१० ग्राम) मात्र सक्कली सुन रहेको प्रमाणित भएको प्रहरीले जनाएको छ ।

सक्कली सुनलाई आवश्यक कारबाही तथा अनुसन्धानका लागि राजस्व अनुसन्धान कार्यालय पथलैया, बारा पठाइएको छ । बाँकी ४९ थान सुनजस्तो देखिने पहेंलो धातुका सम्बन्धमा सामानहरु बरामद गरी उनीहरुलाई नियन्त्रणमा लिइ मकवानपुर जिल्ला अदालत हेटौंडाबाट ठगी उद्योग कसुर मुद्दामा म्याद अनुमतिसहित थप अनुसन्धान कार्य भइरहेको छ ।