पिपलटारमा कारको ठक्करबाट एकजना घाइते

नुवाकोट । नुवाकोटको विदुर नगरपालिका वडा नम्बर ५ पिपलटारमा कारको ठक्करबाट एक जना घाइते भएका छन् ।

घाइते हुनेमा तारकेश्वर गाउँपालिका वडा नम्बर ६ गोर्साङका ५७ वर्षीय धन बहादुर तामाङ रहेको जिल्ला प्रहरी कार्यालय नुवाकोटले जनाकारी दिएको छ ।

गंगटेबाट बेलकोटतर्फ गइरहेको कारले सडकको छेउमा हिँडिरहेको तामाङलाई ठक्कर दिएको स्थानियले बताएका छन् ।

कारको लाइट समेत नबलेको र साइट लाइट मात्र बाल्दै हिँड्दा तामाङले कार आएको नै नदेखेको बताइएको छ ।

घाइते तामाङको टाउँकोमा गम्भीर चोट लागेको बताइएको छ । उनको त्रिशुली अस्पतालमा उपचार भइरहेको प्रहरीले जनाएको छ ।

र्दुघटनापछि प्रहरीले कार र त्यसका चालक बेलकोटगढीका बद्री बस्नेतलाई नियन्त्रणमा लिएर अनुसनधान शुरु गरेको छ ।

घटनाको विषयमा थप अनुसन्धान भइरहेको जिल्ला प्रहरी कार्यालय नुवाकोटले जनाएको छ ।