नुवाकोटको तादीमा बदेलको आक्रमणबाट तीनजना घाइते

नुवाकोट । नुवाकोटको तादी गाउँपालिकामा जंगली बदेलको आक्रमणबाट तीनजना घाइते भएका छन् ।

बदेलको आक्रमणबाट घाइते हुनेहरुमा तादी गाउँपालिका वडा नम्बर २ का मुरारी तामाङ, वडा नम्बर ३ भोर्लेकी ७० वर्षिय बुद्धलक्ष्मी रिमाल र वडा नम्बर ५ का बुद्धिमान तामाङ रहेको स्थानियले बताएका छन् ।

उनीहरुलाई घाँस काट्ने जाने क्रममा बदेलले आक्रमण गरेको बताइएको छ । बदेलको आक्रमणबाट घाइते भएकाहरुको खानीटार अस्पतालमा उपचार भइरहेको छ भने थप उपचारको काठमाण्डौ लैजाने तयारी गरिएको छ ।