बाँझो जग्गामा व्यवसायिक फुल खेती गर्दै वडा कार्यालय

नुवाकोट । विदुर नगरपालिका वडा नम्बर ५ ले वडा परिषरभित्र रहेको बाँझो जग्गामा फुल खेती शुरु गरेको छ ।

सोमवार एक कार्यक्रमको आयोजना गरि उपमेयर प्रभा बोगटी, वडाध्यक्ष लिलानाथ न्यौपाने लगायतले वडा कार्यालय परिषरमा रहेको ३ रोपनी बाँझो जग्गामा दश हजार फुल रोप्नुको साथै वडाभित्र रहेका विद्यालयहरुलाई फुलको विरुवा वितरण गरेका हुन् ।

कार्यक्रममा बोल्दै उपप्रमुख प्रभा बोगटीले स्थानियस्तरमै उत्पादन भएका बेर्नाहरुको प्रयोगले स्थानियस्तरमै प्रत्यक्ष रोजगारीको अवसर सिर्जना हुने बताइन् । उनले वडाले गरेको पुष्प खेती कार्यक्रमले समग नगरको निति र विकासमा योगदान दिने बताइन् ।

यस्तै वडाध्यक्ष न्यौपानेले वडा कार्यालयको निर्णय अनुसार पहिलो चरणमा वडा कार्यलय परिषरमा फुल रोप्ने काम सम्पन्न भएको र वडा भित्र रहेका विद्यालयहरुलाई विरुवा वितरण गरिएको बताए । यस्तै आगामी दिनमा वडाभित्र जनताहरुको माग र आवश्यकता हेरेरे स्थानियलाई पनि फुलका विरुवा वितरण गरिने बताए ।

वडाध्यक्ष न्यौपानेका अनुसार सौन्दर्यताको लागि वडा भित्र रहेको विद्यालयहरुलाई सयपत्री फुलको बेर्ना समेत वितरण गरिएको छ । चन्द्रज्योती मावि, संस्कृत मावि, च्वाडी पब्लिक मावि, रक्तकाली आधारभुत विध्यालय र गुडविल एकेडेमीलाई फुलको विरुवा वितरण गरिएको छ ।

कार्यक्रममा वडा सचिव शिवहरि गजुरेल, विभिन्न विद्यालयका प्रध्यानाअध्यापक र सरोकारवाला निकायहरुको उपस्थिति रहेको थियो ।