तादी खोलामा पौडी खेल्ने क्रममा एकजना बेपत्ता

नुवाकोट । नुवाकोटको तादी गाउँपालिकामा पौडी खेल्ने क्रममा एक जना बेपत्ता भएका छन् ।

शुक्रवार दिउँसो साढे ४ बजे दुप्चेश्वर गाउँपालिका वडा नम्बर ६ गौडापुलस्थित तादी खोला छेउमा रहेको दहमा पौडी खेल्ने उनी बेपत्ता भएका हुन् ।

बेपत्ता हुनेमा काठमाण्डौको टोखा नगरपालिका वडा नम्बर ३ वस्ने १८ वर्षिय उत्सव श्रेष्ठ रहेको जिल्ला प्रहरी कार्यालय नुवाकोटका डिएसपी विक्रम खड्काले जानकारी दिए ।

पौडी खेल्ने क्रममा बेपत्ता भएका उनको खोजी कार्य शुरु गरिएको जिल्ला प्रहरी कार्यालय नुवाकोटले जनाएको छ ।