ईभी माइक्रो र मोटरसाइकल ठोक्किँदा एक घाइते

नुवाकोट । नुवाकोटबाट काठमाडौंतर्फ जाँदै गरेको ईभी माइक्रो र नुवाकोटतर्फ आइरहेको मोटरसाइकल आपसमा ठोक्किंदा एक जना सामान्य घाइते भएका छन् ।

बागमती प्रदेश ०२–००१ ज ५२० नम्बरको ईभी माइक्रो र विपरीत दिशाबाट गइरहेको मोटरसाइकल जगत बसपार्क नजिकै गुर्जे–टोखा सडकखण्डमा ठोक्किएका हुन्।

दुर्घटनामा मोटरसाइकल चालक सामान्य घाइते भएका छन् भने उनलाई तत्काल उपचारका लागि नजिकको स्वास्थ्य केन्द्रमा लगिएको छ ।

घटनाको थप विवरण संकलन भैरहेको टोखा प्रहरीले जनाएको छ ।