त्रिकेटर रोशन विश्वकर्मा सम्मानित

नुवाकोट । त्रिकेटर रोशन विश्वकर्मा सम्मानित भएका छन् ।

नुवाकोटको विदुर ५ तल्लो पिपलटारमा जारी प्रथम विदुर मेयर कप वडा स्तरीय टि–२० क्रिकेट प्रतियोगितामा फाईनलमा विदुर नगरपालिका र नुवाकोट क्रिकेट संघले उनलाई नगद १० हजार रुपैयाँसहित सम्मान गरेको हो ।

नुवाकोट जिल्लाबाट क्रिकेट खेलको प्रतिनिधित्व गर्दै नेपालको यु–१९ राष्ट्रिय क्रिकेट टिममा समेत खेल्न सफल भई नुवाकोट र नेपालको नाम विश्वसामु चिनाउन सफल भएकोले उनको उच्च योगदानको कदर गर्दै सम्मान पत्र प्रदान गरिएको नुवाकोट क्रिकेट संघका उपाध्यक्ष विष्णु प्याकुरेलले जानकारी दिए ।