विदुरकी तामाङ काठमाण्डौंमा पक्राउ

नुवाकोट । वैदेशिक रोजगारीको लागि क्रोएसिया पठाइदिन्छु भनी ठगी गर्ने एक महिलालाई प्रहरीले पक्राउ गरेको छ ।

पक्राउ पर्नेमा नुवाकोटको विदुर नगरपालिका वडा नम्बर १० घर भइ हाल काठमाडौं महानगरपालिका वडा नम्बर १४ बस्ने ४६ वर्षकी चन्द्र कुमारी तामाङ रहेकी छिन् ।

क्रोएसिया लैजाने भन्दै लामो समयसम्म झुक्यानमा राखि विदेश नपठाई सम्पर्कविहीन भएकोमा पीडितहरुले दिएको जाहेरी दरखास्तका आधारमा उनलाई जेठ २९ गते बिहीबार पक्राउ गरिएको काठमाडौं उपत्यका अपराध अनुसन्धान कार्यालयका सूचना अधिकारी काजी कुमार आचार्यले बताए ।

थप अनुसन्धान तथा कारवाहीको लागि उनलाई वैदेशिक रोजगार विभाग ताहाचल, काठमाण्डौंमा पठाईएको आचार्यले बताए ।