हिस्टुन नुवाकोटको अध्यक्षमा नेपाल

नुवाकोट । माध्यमिक विद्यालय शिक्षक युनियन हिस्टुन नुवाकोटको अध्यक्षमा श्रीराम नेपाल चयन भएका छन् ।

शनिवार नुवाकोटको विदुरमा सम्पन्न भएको जिल्ला भेलाले नेपालको अध्यक्षतामा ११ सदस्यीय कार्य समिति निर्विरोध चयन गरेको हो ।

साविक उच्च माध्यमिक तह (कक्षा ११ र १२) मा कार्यरत शिक्षकहरूको पेशागत संगठन हिस्टुन नुवाकोटको जिल्ला भेलाबाट उपाध्यक्षमा ईन्दिरा गड्तौला र खमलाल रिमाल चयन भएका छन् । सचिवमा राजकुमार रिमाल चयन हुँदा सहसचिवमा निराजनमान अमात्य र चोपबहादुर थापा निर्वाचन भएको निर्वाचन समितिका संयोजक नारायण श्रेष्ठले जानकारी दिए ।

समितिको सदस्यहरुमा सागर लामा, अजय पौडेल, माधव प्रसाद गजुरेल, महेश्वरी लामिछाने र शंकर पासवान रहेका छन् ।
केन्द्रिय प्रतिनिधिमा नारायण श्रेष्ठ, मणि घिमिरे, भिमबहादुर मानन्धर, राकेश प्रसाल शाह र शिवराम ढकाल रहेका छन् ।

नवनिर्वाचित समितिलाई हिस्टुनका केन्द्रीय अध्यक्ष टिका प्रसाद न्यौपानेल पद तथा गोपनियताको सपथ ग्रहण गराउँदै माध्यमिक तह कक्षा ११ र १२ मा कार्यरत शिक्षकहरूको हकहित तथा व्यवस्थापनमा मन, वचन र कर्मले लाग्न निर्देशन दिए ।
उनले शिक्षा ऐन २०२८ को ८ औ संशोधनले दिएको सुविधाबाट शिक्षकहरु बन्चित रहेको बताए ।

न्यौपानेले केन्द्रीय माध्यमिक तहमा कार्यरत शिक्षकहरूको स्थायित्वका लागि केन्द्रीय तहबाटनै विभिन्न अन्तरक्रिया, संवाद गर्दै आन्दोलनका कार्यक्रमहरू तय गरिने जानकारी दिए ।

कार्यक्रममा हिस्टुनका केन्द्रिय महासचिव यज्ञ वहादुर घिमिरे लगायतको उपस्थिति रहेको थियो ।