नुवाकोटको दुप्चेश्वरमा खोलामा डुबेर एक जनाको मृत्यु

नुवाकोट । नुवाकोटको दुप्चेश्वर गाउँपालिकामा खोलामा डुबेर एकजनाको मृत्यु भएको छ ।

मृत्यु हुनेमा दुप्चेश्वर गाउँपालिका वडा नम्बर ७ का शुक्र तामाङ रहेको जिल्ला प्रहरी कार्यालय नुवाकोटले जनाएको छ ।
आज विहान साढे ११ बजे नाईखोलाको काफ्लेदहमा डुबेर उनको मृत्यु भएको हो ।

घटनालगत्तै ईलाका प्रहरी कार्यालय खरानीटारबाट प्रहरी निरिक्षक जयन्ती थापाको कमाण्डमा खटिएको टोलीले प्रारम्भिक अनुसन्धान गरी पोष्टमार्टमको लागि शव जिल्ला अस्पताल नुवाकोट त्रिशूलीमा ल्याइएको छ ।

घटनाको सम्बन्धमा थप अनुसन्धान भइरहेको जिल्ला प्रहरी कार्याmय नुवाकोटले जानकारी दिएको छ ।